കൊച്ചി: ആർട്ടിഫിഷ്യൽ ഇന്റലിജൻസിന്റെ വർധിച്ചുവരുന്ന പ്രാധാന്യവും, AI സാങ്കേതികവിദ്യകളെ ഫലപ്രദമായി പ്രയോജനപ്പെടുത്തുന്നതിന് ശക്തമായ കമ്പ്യൂട്ടർ സയൻസ് അടിത്തറ ആവശ്യമാണ് എന്ന തിരിച്ചറിവും മുൻനിർത്തി ഐഐടി ബോംബെ Educational Outreach, Computer Science and Artificial Intelligence (CS & AI) മേഖലയിൽ e-Postgraduate Diploma (ePGD) പ്രോഗ്രാം അവതരിപ്പിച്ചു.
ഐഐടി ബോംബെ ഫാക്കൽറ്റി രൂപകൽപ്പന ചെയ്ത് നടപ്പിലാക്കുന്ന പ്രോഗ്രാമിൽ കമ്പ്യൂട്ടർ സയൻസിന്റെ ശക്തമായ അടിസ്ഥാനത്തോടൊപ്പം ആർട്ടിഫിഷ്യൽ ഇന്റലിജൻസ്, മെഷീൻ ലേണിംഗ് മേഖലകളിലെ സമകാലിക സാങ്കേതികവിദ്യകൾക്ക് കൂടുതൽ പ്രാധാന്യം നൽകുന്നു. Great Learning ആണ് എഡ്ടെക് പങ്കാളി. സിങ്ക്രണസ്, അസിങ്ക്രണസ് ഓൺലൈൻ പഠനത്തോടൊപ്പം ഐഐടി ബോംബെ ക്യാമ്പസിലെ നേരിട്ടുള്ള ഇമ്മേഴ്ഷൻ സെഷനുകളും പ്രോഗ്രാമിന്റെ ഭാഗമാണ്.
കമ്പ്യൂട്ടിംഗ്, ആർട്ടിഫിഷ്യൽ ഇന്റലിജൻസ് എന്നിവയെക്കുറിച്ചുള്ള സൈദ്ധാന്തിക ധാരണ കൂടുതൽ ആഴത്തിലാക്കാൻ ആഗ്രഹിക്കുന്ന സാങ്കേതികമായി പ്രാവീണ്യമുള്ള പഠിതാക്കളെയാണ് ePGD in CS & AI ലക്ഷ്യമിടുന്നത്. AI ടൂളുകൾ ഉപയോഗിക്കുന്നതിനപ്പുറം അവയുടെ പിന്നിലെ കമ്പ്യൂട്ടർ സയൻസ് തത്വങ്ങളും സാങ്കേതിക അടിസ്ഥാനങ്ങളും മനസ്സിലാക്കാൻ പഠിതാക്കളെ പ്രാപ്തരാക്കുകയാണ് പ്രോഗ്രാമിന്റെ ലക്ഷ്യം.
AI മുതൽ Cyber Security വരെ
പ്രോഗ്രാമിന്റെ സിലബസിൽ Computer Science, Artificial Intelligence & Machine Learning എന്നീ രണ്ട് പ്രധാന മേഖലകളിലായി വിവിധ വിഷയങ്ങൾ ഉൾപ്പെടുത്തിയിട്ടുണ്ട്.
AI, Machine Learning വിഭാഗത്തിൽ Generative AI, Large Language Models (LLMs), AI Agents, Retrieval-Augmented Generation (RAG), Model Context Protocol (MCP), Reinforcement Learning, Computer Vision, Natural Language Processing (NLP), Deep Learning തുടങ്ങിയ മേഖലകൾ ഉൾപ്പെടുന്നു.
Computer Science വിഭാഗത്തിൽ Algorithms and Complexity, Blockchain, Web and Software Security, Cryptography and Network Security, Big Data System Internals തുടങ്ങിയ വിഷയങ്ങൾ പഠനത്തിന്റെ ഭാഗമാണ്.
വിദ്യാർത്ഥികൾക്ക് ഓരോ ബാസ്ക്കറ്റിൽ നിന്നും കുറഞ്ഞത് രണ്ട് കോഴ്സുകൾ വീതം ഉൾപ്പെടെ ആകെ ആറ് കോഴ്സുകൾ പൂർത്തിയാക്കേണ്ടതുണ്ട്. പ്രോഗ്രാം ഒരു വർഷത്തിനുള്ളിൽ പൂർത്തിയാക്കാൻ കഴിയുന്നതോടൊപ്പം, പഠനം പൂർത്തിയാക്കാൻ മൂന്ന് വർഷം വരെ സമയവും നൽകുന്നു.
“ഈ പ്രോഗ്രാം പഠിതാക്കളെ AI ടൂളുകൾ ഉപയോഗിക്കാൻ മാത്രമല്ല, കമ്പ്യൂട്ടർ സയൻസും ആർട്ടിഫിഷ്യൽ ഇന്റലിജൻസും അടിസ്ഥാനപരമായി മനസ്സിലാക്കാനും പ്രാപ്തരാക്കും. നാം പ്രവേശിക്കുന്ന കൂടുതൽ AI-കേന്ദ്രീകൃതമായ ലോകത്ത് പൊരുത്തപ്പെടാനും മത്സരിക്കാനും മികവ് പുലർത്താനും ഈ ആഴത്തിലുള്ള ധാരണ സഹായകമാകും,”
ഐഐടി ബോംബെയിലെ കമ്പ്യൂട്ടർ സയൻസ് ആൻഡ് എഞ്ചിനീയറിംഗ് വകുപ്പിലെ ePGD (CS & AI) ഫാക്കൽറ്റി കോർഡിനേറ്റർ പ്രൊഫ. വിനയ് ജെ. റിബെയ്റോ പറഞ്ഞു.
AI സോഫ്റ്റ്വെയർ വികസനത്തിലും കമ്പ്യൂട്ടിംഗ് സംവിധാനങ്ങളിലും കൂടുതൽ നിർണായകമാകുന്ന സാഹചര്യത്തിൽ, AI ടൂളുകളെക്കുറിച്ചുള്ള പരിചയം മാത്രമല്ല, വിശ്വസനീയവും സ്കെയിലബിളുമായ AI സംവിധാനങ്ങൾ രൂപകൽപ്പന ചെയ്യുന്നതിനും വിന്യസിക്കുന്നതിനും ആവശ്യമായ കമ്പ്യൂട്ടർ സയൻസ് തത്വങ്ങളുടെ ശക്തമായ ധാരണയും പ്രൊഫഷണലുകൾക്ക് ആവശ്യമാണെന്ന് Great Learning സ്ഥാപകനും CEOയുമായ മോഹൻ ലഖംരാജു പറഞ്ഞു.
സാങ്കേതിക പ്രൊഫഷണലുകൾ ലക്ഷ്യമിട്ട്
ബിരുദ പഠനകാലത്തോ തൊഴിൽ ജീവിതത്തിലോ കമ്പ്യൂട്ടർ സയൻസ് പഠിച്ചിട്ടുള്ള Software Developers, Engineers, IT Professionals, Data Scientists എന്നിവരെയും, അടിസ്ഥാന കമ്പ്യൂട്ടർ സയൻസ് അറിവുള്ള പുതുതായി ബിരുദം നേടിയവരെയും ലക്ഷ്യമിട്ടാണ് പ്രോഗ്രാം രൂപകൽപ്പന ചെയ്തിരിക്കുന്നത്.
പ്രോഗ്രാം വിജയകരമായി പൂർത്തിയാക്കുന്ന പഠിതാക്കൾക്ക് ഐഐടി ബോംബെയുടെ e-alumni status ലഭിക്കും.
AI അധിഷ്ഠിത സാങ്കേതികവിദ്യകൾ അതിവേഗം വികസിച്ചുകൊണ്ടിരിക്കുന്ന സാഹചര്യത്തിൽ, AI ഉപയോഗിക്കാനുള്ള പ്രായോഗിക പരിജ്ഞാനത്തിനൊപ്പം അതിന്റെ അടിസ്ഥാന കമ്പ്യൂട്ടർ സയൻസ് തത്വങ്ങളും മനസ്സിലാക്കാൻ ആഗ്രഹിക്കുന്ന പ്രൊഫഷണലുകൾക്ക് ഈ പ്രോഗ്രാം കൂടുതൽ ആഴത്തിലുള്ള പഠനാവസരം നൽകുകയാണ് ലക്ഷ്യമിടുന്നത്.
കൂടുതൽ വിവരങ്ങൾക്ക്:
IIT Bombay CSE – ePGD Programme
